Thursday, 14 March 2013

कसरी आए खिलराज ?

काठमाडौं, चैत्र १ (नेपाल डोर) । एकीकृत नेकपा माओवादीले हेटौंडाको सातौं महाधिवेशनबाट प्रधानन्यायाधीश नेतृत्वमा नयाँ सरकार गठनको प्रस्ताव पारित गरेको थियो । सोही प्रस्तावमा कांग्रेस, एमाले, मधेशी दलका शीर्ष नेता सहमत भएका थिए भने युरोपेली युनियनसम्वद्ध मुलुकका राजदूत तथा अन्य युरोपेली राजदूतहरुले यो प्रक्रियाका पक्षमा लविङ गर्दैआएका थिए । अन्ततः फागुन ३० मा दलहरुबीच प्रधानन्यायाधीशलाई मन्त्रीपरिषद अध्यक्ष बनाउने सहमति भएको छ ।
शुरुमा एमाओवादीको प्रस्तावमा विरोध जनाए पनि कांग्रेस र एमालेका शीर्ष नेता अन्तिममा सहमति जनाएका थिए । प्रधानन्यायाधीश नेतृत्वमा सरकार गठन गर्ने बहसबारे एमाओवादीमा मात्रै एकमत छ भने कांग्रेस, एमाले र मधेशी दलभित्र मतभेद छ । कांग्रेस सभापति सुशील कोइरालाले आफू यो प्रक्रियामा व्यक्तिगतरुपमा सहमत नभएको बताउँदै आएका छन् । एमाले बरिष्ठ नेता माधवकुमार नेपाल त यसप्रति असहमति जनाउँदै शीर्षस्थ वैठकमा नै सहभागी हुन छाडेका छन् । उनी एमालेको शीर्षस्थ तहमा वार्ता समितिका संयोजक छन् । नेपाल वार एशोसिएसन, पूर्व प्रधानन्यायाधीशलगायतले यो प्रक्रियामा विरोध जनाउँदै आएका छन् ।

No comments:

Post a comment

top sidebar ads

समाचार

समाचार

recent posts comments tab

Blog Archive