Monday, 8 April 2013

पाकिस्तानी सैनिक टोलि काठमाडौंमा (फोटो फिचरसहित)

पाकिस्तानको National Defence University (NDU) को सैनिक टोली प्रधानसेनापति गौरव शम्शेर ज.ब.रा.संग जंगी अड्डा सैनिक हेडक्वार्टरमा ।

काठमाडौं (नेपाल डोर) ।  चैत्र २५ गतेदेखि नेपाल भ्रमणमा रहेका पाकिस्तानको National Defence University (NDU) शैक्षिक भ्रमण टोलिले चैत्र २६ गते प्रधानसेनापति गौरव शम्शेर ज.ब.रा.लगायत नेपाली उच्च सैनिक अधिकारीसँग भेटवार्ता गरेको छ । जंगी अड्डामा भएको शिष्टाचार भेटघाटका क्रममा पाकिस्तानी तथा नेपाली सेनाबीच रहेको सम्बन्ध, क्षेत्रिय तथा विश्व सुरक्षा स्थितिबारे छलफल भएको थियो । 

पाकिस्तानको Senior Directory Staff Brig. Muhammad Zafar Iqbal प्रधानसेनापतिसंग हात मिलाउँदै
पाकिस्तानी सेनाका Senior Directory Staff Brig. Muhammad Zafar Iqbal को नेतृत्वमा आएको १९ सदस्यीय टोलिमा पाकिस्तानी सेनाका सैनिक अधिकृत र साउदी अरेबियाका शिक्षार्थी अधिकृत पनि सहभागी छन् । भ्रमण टोलिले चैत २६ गते नेपाली सेनाका पि.एस.ओज्. रथीबृन्दहरुसंग अन्तरक्रिया तथा शिष्टाचार भेटघाट गरेको थियो । सैनिक जनसम्पर्क निर्देशनालयका अनुसार पाकिस्तानी सैन्य टोलिलाई जंगी अड्डामा सैनिक युद्धकार्य निर्देशक सहायक रथी हरि बहादुर बस्नेतले बृफिङ्ग गरेका थिए ।
सो टोलीले चैत २७ गते मन्त्रीपरिषद अध्यक्ष खिलराज रेग्मी, अर्थमन्त्री शंकर कोइराला, रक्षासचिव तिलकराम शर्मासँग भेट्ने तय भएको छ । टोली २०६९ चैत्र ३० गते स्वदेश फिर्ता हुने कार्यक्रम रहेको सैनिक जनसम्पर्क निर्देशनालयले जनाएको छ । 


प्रतिक्रिया, टिप्पणि वा सुझाबका लागि इमेल गर्नुस्-  npdoor@gmail.com 

No comments:

Post a comment

top sidebar ads

समाचार

समाचार

recent posts comments tab

Blog archive