काठमाडौं । राष्ट्रिय सहकारी विकास वैंकले ४ हजार सहकारी संस्थाको हितविरुद्ध काम गर्न थालेको खुलेको छ । वैंकले अनियमित तरिकाले ऋण प्रवाह गरेको भन्दै केही सहकारीले बैंकविरुद्ध उजुरी दिएका छन् ।
२०६० मा स्थापना भएको सहकारी वैंकमा देशभरका ४ हजारबढी सहकारीले सेयर खदिर गरेका छन् । सेयर खरिद गर्न घटीमा १० हजार रुपैयाँको खाता खोल्नु पर्छ भने १० हजार रुपैयाँकै सेयर लिनुपर्छ । यसरी संकलन भएको रकम ऋण प्रवाह गर्दा आफन्त, नातेदारकेन्द्रीत भएको वैंकका एक सेयर सदस्यले बताए ।
वैंक सञ्चालक सदस्य नातेदार तथा आफन्त रहेका सहकारीहरु, वैंक कर्मचारीनिकट संस्था÷आफन्तसमेतलाई प्राथमिकतामा राखेर ऋण दिने गरेको खुल्न आएको छ । विशुद्ध सहकारी सञ्चालन गर्ने सहकारीलाई ऋण नदिने, युवा स्वरोजगार कोषबाट प्राप्त रकम आफूनिकट सहकारी संस्थालाई मात्र उपलब्ध गराएकोसमेतका लिखित उजुरी वैंकसमक्ष पुगेको छ ।
वैंकका सहायक प्रवन्धक बद्री गुरागाईले वैंकविरुद्ध उजुरी परेको स्वीकारे । उनले काठमाडौं सुकेधाराको थैली बचत तथा ऋण सहकारीले बैंकविरुद्ध उजुरी दर्ता गराएको बताए । सहायक प्रवन्धक गुरागाई वैंकले नियमविपरीत ऋण प्रवाह नगरेको दावी गर्छन् । नियमविपरीत ऋण प्रवाह गरेको पाइएमा कारवाही हुने उनको भनाइ छ ।
वैंक परिवार र नातावादमा नै सीमित भएपछि यसको भविष्य अन्धकारतर्फ जाने देखिन्छ । समयमै कमजोरीहरु नसच्याए वैंकका सेयर सदस्यले सेयर फिर्र्ता लिने चेतावनी दिन थालिसकेका छन् ।
No comments:
Post a Comment