Sunday 23 June 2013

व्यवस्थापनबाट ठगिए हिमाल पावरका कर्मचारी


सुरेन्द्र सुवेदी
काठमाडौं । दोलखाको खिम्ती सर्भिसेज प्रालिले आफ्ना ८६ जना कर्मचारीलाई सामूहिक अवकाश दिँदा ठूलो रकम ठगी गरेको खुलासा भएको छ । कम्पनीमा कार्यरत कर्मचारीलाई अवकाश दिँदा उनीहरुलाई उपलब्ध गराएको एकमुष्ट रकममा २५ प्रतिशत कर लिएको हो । देशको कानुनअनुसार आयकर १५ प्रतिशतभन्दा बढी लिन पाइन्न । कम्पनीका कार्यकारी अध्यक्ष रमेशकुमार श्रेष्ठले १६ करोड रुपैयाँ कर्मचारीलाई भुक्तानी दिँदा नियमविपरीत एक करोड ६० लाख रुपैयाँ लिएर आफैंले राखेको कर्मचारीहरूले बताए । भ्रष्ट छवी भएका श्रेष्ठ हाल सम्पर्कविहीन छन् ।
दोलखाको किर्नेटारमा ६० मेगावाट विद्युत् उत्पादन गर्दै आएको हिमाल पावर कम्पनीले कर्मचारी व्यवस्थापन गर्न खिम्ती सर्भिसेज प्राली स्थापना गराएको हो । कम्पनीले कर्मचारी नियुक्ति गर्दा ठूलो रकम तलव र सेवा सुविधामा दिनु पर्ने भएरै अर्काे कम्पनी खोलेर त्यसमार्फत कर्मचारी राखेको  थियो ।
खिम्तीमा २०५७ मा नियुक्ति पाएर काम गरेका कर्मचारीहरूलाई २०६९ माघमा सामूहिक अवकाश दिएको थियो । हिमाल पावरले कर्मचारी आवश्यक नभएको भन्दै एकमुष्ट दिएको रकममा कार्यकारी अध्यक्ष श्रेष्ठ र उनीनिकट केही कर्मचारीले करका नाममा रकम लिएर हिनामिना गरेको भन्दै श्रमअदालत बागमतीमा उजुर परेको छ । पीडितमध्येका रामेछाप फुलासीका पूर्णबहादुर मगर र क्षेत्रकुमारी कार्कीसमेतले श्रमअदालतमा मुद्दा दायर गरेका हुन् ।
खिम्तीमा कार्यरत कर्मचारीले सामूहिक अवकाश पाउँदा प्रतिव्यक्ति ८ देखि ५० लाख रुपैयाँसम्म एकमुष्ट रकम लिएका थिए । उक्त रकमको १५ प्रतिशत कर तिर्न आफूहरू सहमत भएको भन्दै थप १० प्रतिशत फिर्ता दिलाउन श्रममा उजुर गरेको मगरले बताए । यससम्बन्धी बुभ्mन खोज्दा कम्पनीका कार्यकारी अध्यक्ष श्रेष्ठ सम्पर्कमा आउन चाहेनन् ।
    यो प्रकरण अख्तियारसम्म पुग्ने भएको छ । पीडित कर्मचारी अख्तियारमा जाने तयारीमा छन् । अख्तियारका अधिकारीहरुले निवेदन लिएर आउन निवेदन हाल्ने तयारीमा रहेको पीडित कर्मचारीहरुले बताए ।

No comments:

Post a Comment

top sidebar ads

समाचार

समाचार

recent posts comments tab

Blog Archive