डुबेर तीन बालकको मृत्यु

काठमाडौं । काठमाडौंमा धोबीखोला र बागमति नदीमा डुबेर तीन जना बालकको मृत्यु भएको छ । पौडी खेल्न गएका दुई बालकको धोबीखोलामा र एकको बागमतिमा शनिबार मृत्यु भएको हो ।
    मध्यान्न पहुने ४ बजे सिन्धुली स्थायी घर भएका कविराज बिकका छोरा लोकबहादुर (६) र नारायण बिकका छोरा नवीन (५) चाबहिलनजिकै ओमअस्पतालपछाडि धोबीखोलामा पौडीखेल्दा डुबेका थिए । डुबेका उनीहरुलाई स्थानीय र प्रहरीले उद्धार गरेर ओम अस्पतालमा उपचारका क्रममा पहुने ५ बजे मृत्यु भएको गौसाला प्रहरी प्रभागका प्रहरी निरीक्षक जयश्वर रिमालले बताए । कविराज मैजुबहालमा र नारायण बिक गंगाहिटीमा डेरा बस्दै आएका थिए ।
    यस्तै शनिबार नै साढे ३ बजे सर्लाही हरीवन– ६ स्थायी घर भइ काठमाडौं– ८ पिंगलास्थान बस्ने ओमप्रकाश थापाका छोरा प्रशन्न थापा (१२) को बागमति नदीमा डुबेर मृत्यु भएको छ । गुहेश्वरी नजिक बाग्मती खोलामा पौडी खेल्ने क्रममा पानीमा डुबेका थापालाई महानगरीय प्रहरी प्रभाग गौशालाबाट खटिएको प्रहरी टोली र स्थानीयको सहयोगमा उद्धार गरिएको थियो । उनको चाबहिल ओम अस्पतालमा उपचारकै क्रममा ३ः४५ मा मृत्यु भएको प्रहरीले जनाएको छ ।
    थापासँगै पौडीखेल्न गएका अन्य दुई बालक भने सकुसल रहेका छन् । थापा डुबेपछि ती दुई बालकले स्थानीयलाई खवर गरेका थिए । तत्कालै घटनास्थल पुगेको प्रहरीले उचारका लागि अस्पताल पु¥याए पनि बचाउन नसकेको गौसाला प्रहरी वृत्तले जनाएको छ ।