संयोग : जनयुद्ध थालेकै दिन पूर्व डिभिजन कमाण्डरले लाए फूल कर्नेलको फूली

 'भो, अब बिगतका कुरा नगरौं' 

फागुन १ गते जनयुद्ध शुरु भयो । यो अबसरमा  पूर्व सहयोद्धाहरुले जनयुद्धको बर्षगाँठ मनाइरहँदा पूर्व डिभिजन कमाण्डर अधिकारीले जंगी अड्डा भद्रकालीमा प्रधानसेनापति गौरब शमशेर जबराको हातबाट ‘फूल कर्नेल’ को फूली लगाइरहेका थिए । .......................................................................

अधिकारीले बीबीसी नेपाली सेवाका लागि रमा पराजुलीलाई दिएको अन्तर्वार्तामा विगतमा भएका सबै आन्दोलनको उपलब्धी हासिल भएको र अब जनताले बिकास चाहेको बताएका छन् ।

Colonel Adhikari ( Right). Photo: Nepal Army

नेपाल डोर अनलाइन 

काठमाडौं । माघ २३ गते मन्त्रीपरिषदले प्रमुख सेनानीबाट महासेनानी (फूल कर्नेल)मा बढुवा गरेका पूर्व माओवादी लडाकुका कमाण्डर यमबहादुर अधिकारीलाई फागुन १ गते दज्र्यानी चिन्ह लगाइएको छ । एमाओवादीले जनयुद्ध थालेकै दिन पूर्व डिभिजन कमाण्डर अधिकारीले फूल कर्नेलको फूली लगाउने ‘सौभाग्य’ पाएका छन् । फागुन १ गते अर्थात् बिहीवार अधिकारीका सहयोद्धाहरुले भने जनयुद्ध मनाएका छन् । जनयुद्ध शुरु भएकै दिन फूल कर्नेलको फूली लगाएका अधिकारी यस्ता पूर्व कमाण्डर हुन् जसले युद्धकालमा कृष्णभीर धादिङमा नेपाली सेनासँग आमनेसामने युद्धको नेतृत्व गरेका थिए । सेनाले अधिकारीलाई नवगठित राष्ट्रिय विकास तथा सुरक्षा महानिर्देशनालयमा पदस्थापन गरेको छ ।  
महासेनानी अधिकारीले बीबीसी नेपाली सेवाका लागि रमा पराजुलीलाई दिएको अन्तर्वार्तामा विगतमा भएका सबै आन्दोलनको उपलब्धी हासिल भएको र अब जनताले बिकास चाहेको बताएका छन् । उनले बिगत र वर्तमानमा आफूले फौजी जीवन व्यतित गरेको र अहिलेको उपलब्धी सही रहेको पनि उल्लेख गरे । सबै व्यक्ति सेनामा प्रवेश गर्न नसक्ने भन्दै सकारात्मक शोच बोकेर देशको विकास निर्माणमा लाग्न सबै युवालाई आग्रह पनि गरे ।