नेपाल र भारतका सेनाबीच सन् २०११ देखि संयुक्त सैन्य अभ्यास हुँदै आएको छ । नेपालमा आयोजना भएको यो तेस्रो अभ्यास हो । प्रतिविद्रोह तथा जंगल वारफेयर सम्बन्धि सैद्धान्तिक र व्यवहारिक कार्यक्रमहरु समाबेश गरी संचालन हुँदै आएको सैन्य अभ्यासको यो छैठौं संस्करण हो । अभ्यास चैत ४ गते सम्पन्न हुनेछ ।
शुरुमा भारतीय सेनाको काउन्टर इन्सर्जेन्सी एण्ड जंगल वारफेयर स्कूल मेजोरममा मार्च २०११ मा संयुक्त अभ्यास भएको थियो । त्यसयता हरेक बर्ष आयोजना हुँदै आएको छ । सन् २०१२ जुनमा भारतको चौवत्तिया उत्तराखण्डमा मा यस्तै सैन्यअभ्यास भएको थियो । त्यसपछि भारतको पिथौरागढमा सेप्टम्बर–अक्टोबर २०१३ मा संयुक्त अभ्यास भएको थियो । नेपालले प्रतिविद्रोह तथा जंगल वारफेयर शिक्षालय, अमलेखगंजमा डिसेम्बर २०११ र डिसेम्बर २०१२ मा पनि संयुक्त अभ्यास आयोजना गरेको थियो ।
‘यस संयुक्त अभ्यासमा फौजहरुले प्रतिव्रिदोह तथा जंगलमा गर्नुपर्ने युद्धकला सम्बन्धि प्राप्त सैद्धान्तिक ज्ञानलाई व्यवहारिक रुपमा प्रयोग गर्ने अभ्यास गर्नेछन्’ सेनाद्वारा जारी विज्ञप्तिमा भनिएको छ, ‘ यस अभ्यासले नेपाली सेना र भारतीय सेनाको सैद्धान्तिक, व्यवहारिक र विशेष अनुभवहरुको आदान प्रदान सैनिक संगठनको तल्लो निकायसम्म पु¥याउन सहयोग पुग्ने छ ।’
‘यस संयुक्त अभ्यासमा फौजहरुले प्रतिव्रिदोह तथा जंगलमा गर्नुपर्ने युद्धकला सम्बन्धि प्राप्त सैद्धान्तिक ज्ञानलाई व्यवहारिक रुपमा प्रयोग गर्ने अभ्यास गर्नेछन्’ सेनाद्वारा जारी विज्ञप्तिमा भनिएको छ, ‘ यस अभ्यासले नेपाली सेना र भारतीय सेनाको सैद्धान्तिक, व्यवहारिक र विशेष अनुभवहरुको आदान प्रदान सैनिक संगठनको तल्लो निकायसम्म पु¥याउन सहयोग पुग्ने छ ।’
No comments:
Post a Comment