Thursday 9 May 2013

पहिलो ट्रिपको एक करोड नक्कली भारु पक्राउ, करोडौं ल्याउने योजना छताछुल्ल

सुरेन्द्र भारद्वाज
काठमाडौं । नेपालको बाटो प्रयोग गर्दै भारत लान पाकिस्तानबाट ल्याएको १ करोड भारतीय रुपैयाँ प्रहरीको बिशेष ब्युरोले त्रिभूवन विमानस्थलमा नियन्त्रणमा लिएको छ । १ हजार दरका ७० हजार र ५ सय दरका ३० हजार भारतीय रुपैयाँसहित प्रहरीले एक पाकिस्तानी र एक नेपालीसमेत दुई जनालाई पक्राउ पनि गरेको छ ।
    कतार एयरको क्युआर–३५१ नम्बर उडान कराँचीबाट दोहाहुँदै त्रिभूवन बिमानस्थलमा अवतरण गर्दा ठूलो मात्रामा नक्कली भारतीय रुपैयाँ फेला परेको हो । पाकिस्तानी नागरिक फारुख शेख महम्मद (४८) ले उक्त रकम नेपाल ल्याएका हुन् । महम्मदले अगष्ट २०११ मा पाकिस्तानबाट डिएफ ८९६४६२१ नम्बरको राहदानी लिएको देखिन्छ ।
महम्मदले ल्याएको रकम लिन एयरपोर्टमा मोहम्मद नरुउल्लाह (६१) पुगेका थिए । काठमाडौं बागबजार स्थायी घर भएका नरुउल्लाह हाल भने म्यैहपी बस्दै आएका छन् । यो भारु ल्याउनमा पाकिस्तानको कराँची विमानस्थलमा चेकिङ नहुनु र सुरक्षाकर्मीले भारु बोकेर ल्याएका दुई वटा ब्रिफकेसलाई निर्वाध जहाजसम्म लान दिनुमा पाकिस्तानका उच्च र प्रतिष्ठित व्यक्तिको संलग्नता पुष्टि गर्छ ।
नरुउल्लाह बिचौलिया बनेर रकमकै लागि काम गर्दै आएको देखिन्छ । यो नक्कली भारु प्रकरणमा रबी सिंह र सुनिल श्रेष्ठले व्यवस्थापन जिम्मा लिएको अनुसन्धानबाट खुलेको छ । रबी र श्रेष्ठले नै नक्कली भारु भारततर्फ पठाउने गरेको देखिएको छ । फरार रहेका उनीहरुको खोजीमा प्रहरीले सक्रियता देखाइसकेको छ ।
पहिलो ट्रिप मै नक्कली भारु पक्रन नेपाल प्रहरीको बिशेष ब्युरो सफल भएको छ । यो ट्रिप सफल भएको भए पुनः अरु नक्कली भारु नेपाल भित्रने र भारत पुग्ने देखिन्छ । रबी र नरुउल्लाहको भारतीय पेशेवर हत्याराबाट हत्या गरिएका सञ्चार उद्यमी जमिम शाहसँग पनि सम्वन्ध रहेको खुलेको छ । नरुउल्लाहले भने, ‘म र जमिम शाहले मिलेर ब्यापार पनि ग¥यौं, यस्तो नक्कली रुपैयाँको कारोवार होइन, सामान्य व्यापार गरेका थियौं ।’

संलग्नहरुको बयान


फारुख शेख महम्मद
पाकिस्तानी नागरिक
व्यापारिक कारोबारका क्रममा दुबई जाँदा जुबेर भन्ने व्यक्तिसँग मेरो चिनजान भएको थियो । मलाई जुबेरले सुल्तानसँग चिनायो । सुल्तानले नेपालमा रुपैयाँ लैजाने काम छ, एक पटकमा २५ हजार रुपैयाँ दिने प्रस्ताव राखे । यही मे महिनामा दुई पटक भेट भएर छलफलपछि सुल्तानले नै सबै व्यवस्था मिलाएर यो रकम नेपाल ल्याएको हो । नुरुल्लाह नम्बर दिएर एयरपोर्टमा नुरुल्लाह नै लिन आउने सुल्तानले बताएका थिए । नुरुल्लाहसँग मेरो पाकिस्तानमा चिनजान भएको हो ।
नेपाल आउनेक्रममा एक जना नचिनेको व्यक्तिले मलाई पैसाको ब्याग दिए । ती व्यक्तिले पैसा सिधैं जहाज चढ्ने स्थानसम्म पु¥याए । ती व्यक्तिलाई एयरपोर्टमा सुरक्षा गार्डहरुले सम्मान र अभिवादन गरेका थिए ।

मोहम्मद नरुल्लाह
म्यैहपी, काठमाडौं

तीस वर्षअघि दुबईमा सुनको कारोबार गर्ने सिलसिलामा पाकिस्तानी नागरिक हाजीसँग चिनजान भयो । हालम्म पनि हाजीसँग सम्पर्क भइरहेको छ । हाजीमार्फत नै मैले यो कारोबार थालेको हो । यस पटक डिल गर्न गत अप्रिलमा म पाकिस्तान गएको थिएँ । डिल गरे अनुसारको यो पहिलो ट्रिप हो । यस पटक सफल भएको भए नक्कली रकम फेरी आउने थियो ।
यसभन्दा अघि माघको अन्तिम तिर पाकिस्तानबाट अपरिचित व्यक्तिले फोन गरेर अलिकति सामान लिएर पाकिस्तानी मानिस आउदै गरेका र त्यो समान लिएर रबी सिंहलाई हिन भने । मलाई भनिएअनुसार नै जमलमा आएर बसेका पाकिस्तानी नागरिकलाई लिएर रबी सिंहको घरमा गएँ । पाकिस्तानीले रबी सिंहलाई ५ लाख नक्कली भारु दिए । सोवापत मैले १५ हजार नेपाली रुपैयाँ पाएँ । यस पटकको यो सामान डेलिभरी गर्न पाएको भए ३ लाख भारु पाउने थिएँ ।
रबी सिंहसँग धेरै अघि चिनजान भएको हो । सिंहको काठमाडौं रातो पुलमा घर छ । जमिम शाह, रबी सिंह र मेरो बीचमा राम्रो सम्बन्ध थियो । च्यानल नेपाल टेलिभिजनमा मैले कोअर्डिनेटरको रुपमा काम गरेको थिएँ । रबी सिंहले भारतमा हाउजिङको व्यापार पनि गर्दै आएका छन् । सुनिलसँग मेरो ५– ६ महिनाअघि शिखर मेनपावरको लाजिम्पाट कार्यालयमा अनुप श्रेष्ठमार्फत चिनजान भएको हो । उनी नक्कली नोटको कारोबार गर्छन् । म अप्रिलमा पाकिस्तान जानआउन रबी सिंह र सुनिलले खर्च गरेका थिए । रबीले मलाई ३ सय डलर खर्च दिएका थिए ।
 

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन

    ReplyDelete

top sidebar ads

समाचार

समाचार

recent posts comments tab

Blog Archive